Wed - 2018 Nov 14
Languages
دوستوں کو بھیجیں
News ID : 183485
Published : 19/9/2016 15:29

رھبر انقلاب اسلامی سے خاتم الانبیاء(ص) ایئر ڈفینس سسٹم کے اعلٰی عھدیداروں کی ملاقات:

دشمن جان لے کہ اگر اس نے حملہ کیا تو اسے منہ توڑ جواب ملے گا

رھبر انقلاب اسلامی حضرت آیت اللہ العظمٰی خامنہ ای نے اسلامی جمھوریہ ایران کی مسلح افواج کی خاتم الانبیاء(ص) ائیر ڈفینس ہیڈ کوارٹر کے اعلیِ عھدیداروں اور افسروں سے ملاقات میں ایئر ڈفینس سسٹم کی اھمیت پر زور دیتے ہوئے اسے ہر طرح کے حملے سے نمٹنے کے لئے فرنٹ لائن قرار دیا ۔
رھبر انقلاب اسلامی حضرت آیت اللہ العظمٰی خامنہ ای نے اسلامی جمھوریہ ایران کی مسلح افواج  کی خاتم الانبیاء(ص) ائیر ڈفینس ہیڈ کوارٹر کے اعلیِ عھدیداروں اور افسروں سے ملاقات میں ایئر ڈفینس سسٹم کی اھمیت پر زور دیتے ہوئے اسے ہر طرح کے حملے سے نمٹنے کے لئے فرنٹ لائن قرار دیا اور اسلامی جمھوریہ ایران کے مدمقابل محاذ کو خبیث، مکار اور ملت کی آزادی کا مخالف قرار دیا فرمایا کہ اس دشمن کے مقابلے میں کہ جو ہمارے ملک کی دفاعی صلاحیتوں کو کمزور کرنے کے درپے ہے، ہمیں چاہئے کہ ہماری مسلح افواج اتنی زیادہ آمادہ و تیار ہوجائے کہ دشمن حتیٰی یھاں حملہ کرنے کی فکر بھی نہ کرے۔
حضرت آیت اللہ العظمٰی خامنہ ای نے افرادی قوت کے عزم و ارادے اور صلاحیتوں کو رکاوٹوں اور کمزوریوں کو برطرف کرنے کے سلسلے میں اھم عامل قرار دیا اور مزید فرمایا کہ ایئر ڈفینس سسٹم اصل محاذ اور فرنٹ لائن کا اھم جزء ہے اور ہمیں چاہئے کہ اس اھم مقام کی اھمیت کو سمجھتے ہوئے اور اپنے عزم و ارادے اور استقامت کے ذریعہ دشمن کے حملے کرنے کی فکر کو کمزور کردیں۔
رھبر انقلاب اسلامی نے ملت ایران اور اسلامی نظام سے دشمنی کے مسئلے کو دنیا بھر میں ہونے والی دشمنیوں سے کھیں بڑھ کر قرار دیا اور فرمایا کہ مقابل محاذ کہ جسے ہم تسلط پسند نظام یا عالمی صیھونیسم کے نام سے یاد کرتے ہیں خبیث،چال باز اور ظالمانہ طرز تفکر رکھنے والا محاذ ہے کہ جسے ملت ایران کے مذھبی اعتقادات، آزادی اور دھونس و دھمکی قبول نہ کرنے سے دشمنی ہے۔
آپ نے اس استکباری محاذ کی مختلف چھروں کے ساتھ سامنے آنے کا تذکرہ کرتے ہوئے فرمایا کہ یہ دشمن ایک دن امریکہ کی شکل میں تو دوسرے دن صدام جیسے ظالم ڈکٹیٹر کی شکل میں سامنے آتا ہے لیکناھمبات یہ ہے کہ ہم ملک میں موجود فراوان توانائیوں اور امکانات سے استفادہ کرتے ہوئے اور دشمن کی پوزیشن اور اس کے منصوبوں کے بارے میں آگاھی حاصل کر کے صحیح فیصلے کریں اور ان پر عمل درآمد کریں۔
حضرت آیت اللہ خامنہ ای نے ایس تھری ہینڈریڈ میزائیل سسٹم اور فردو پلانٹ کی سیکورٹی پر مخالفت اور وسیع پیمانے پر شور شرابہ کرنے کو ملت ایران کی خبیثانہ دشمنی کا ایک نمونہ قرار دیتے ہوئے مزید فرمایا کہ ایس تھری ہنڈریڈ میزائیل سسٹم ایک دفاعی سسٹم ہے نہ کہ حملہ کرنے والا، لیکن امریکیوں نے اپنی پوری کوشش کی ہے کہ اسلامی جمھوریہ ایران یہ سسٹم حاصل نہ کرپائے۔
آپ نے مزید فرمایا کہ ہمیں ایسے دشمن کا سامنا ہے کہ جو ملتوں کے دفاع کرنے کے حق کا بھی قائل نہیں ہے اور درحقیقت وہ کہتا ہے بغیر دفاع کے زندگی گذارو تاکہ ہم جب چاہیں تمھارے ملک پر حملہ کرسکیں۔
مسلح افواج کے سپریم لیڈر نے اسی طرح ہوشیاری، موقع پر اقدامات انجام دینے اور ایئر ڈفینس سسٹم میں جدید طریقوں اور پیشرفتہ آلات کے استعمال پر تاکید کرتے ہوئے فرمایا کہ دشمن کو جان لینا چاہئے کہ اگر وہ حملہ کرے گا تو اسے منہ توڑ جواب ملے گا اور ہم دفاع کے ساتھ ساتھ ان کو خاطر خواہ جواب بھی دیں گے۔
رھبر انقلاب اسلامی کی گفتگو سے پہلے  خاتم الانبیاء(ص)ایئر ڈفینس سسٹم کے سربراہ بریگیڈئیر جنرل فرزاد اسماعیلی نے اس مرکز کے آٹھویں یوم تأسیس کی مناسبت سے اس مرکز کی اھم سرگرمیوں کے بارے میں تفصیلی رپورٹ پیش کی۔
leader.ir


آپکی رائے



میرا تبصرہ ظاہر نہ کریں
تصویر امنیتی :
Wed - 2018 Nov 14