Friday - 2018 August 17
Languages
دوستوں کو بھیجیں
News ID : 184645
Published : 19/12/2016 7:48

ایٹمی معاہدے کی خلاف وزری سے امریکا پر عالمی اعتماد کم ہو گا:حسن روحانی

ایرانی صدر ڈاکٹر حسن روحانی نے کہا ہے کہ ایران کے بارے میں امریکی رویئے سے عالمی اعتماد میں کمی واقع ہو گی۔


ولایت پورٹل:
تہران میں آئی اے ای اے کے ڈائریکٹر جنرل یوکیا آمانو سے گفتگو میں ایرانی صدر ڈاکٹر حسن روحانی نے کہا کہ امریکا نے ایران کے بارے میں جو رویہ اپنا رکھا ہے اس سے حکومت امریکا پر عالمی اعتماد کم ہو جائے گا۔
انہوں نے آئی اے ای اے پر زور دیا کہ وہ جامع ایٹمی معاہدے کو مضبوط اور پائیدار بنائے رکھنے کی پوری کوشش کرے اور اس کی رپورٹیں پوری طرح غیر جانبدار ہونا چاہئیں۔
ایرانی صدر نے کہا کہ ایران شروع ہی سے جوہری توانائی کی عالمی ایجنسی کے ساتھ مثبت اور فنی تعلقات کو فروغ دینے کا خواہاں رہا ہے اور یہ تعاون آئندہ بھی جاری رہے گا۔
انہوں نے جامع ایٹمی معاہدے کو ایک عظیم اور مثبت تجربہ قرار دیتے ہوئے کہا کہ اس معاہدے نے خطے میں تعاون اور استحکام کے نئے ماحول کوجنم دینے کے ساتھ ساتھ ایران کے خلاف ظالمانہ اور ناجائز پابندیوں کو ختم کرا دیا ہے۔
ڈاکٹر حسن روحانی نے یہ بات زور دیکر کہی کہ ایران، جامع ایٹمی معاہدے کی پاسداری کر رہا ہے تاہم انہوں نے واضح کیا کہ اس معاہدے کی پائیداری کا دار و مدار تمام فریقوں کی جانب سے اس کی پابندی کیے جانے میں مضمر ہے۔
ایرانی صدر نے دو ٹوک الفاظ میں کہا کہ ایران، جامع ایٹمی معاہدے کی خلاف ورزی میں کبھی پہل نہیں کرے گا اور جب تک دیگر فریق اس کی پابندی کرتے رہیں گے ایران بھی اس کی پابندی کرے گا۔
آئی اے ای اے کے ڈائریکٹر جنرل یوکیا آمانو نے اس موقع پر کہا کہ اسلامی جمہوریہ ایران نے جامع ایٹمی معاہدے پر عمل درآمد شروع ہونے کے بعد سے لیکر اب تک اپنے تمام وعدوں پر بخوبی عمل کیا ہے اور ان کا ادارہ بھی اس معاہدے پر عمل درآمد کی بھرپور حمایت کرتا ہے۔
جوہری توانائی کی عالمی ایجنسی کے ڈائریکٹر جنرل نے یقین دلایا کہ آئی اے ای اے ایک غیر جانبدار اور فنی ادارے کے طور پر اپنا کام جاری رکھے گا۔
سحر
 


آپکی رائے



میرا تبصرہ ظاہر نہ کریں
تصویر امنیتی :
Friday - 2018 August 17