Sunday - 2018 June 24
Languages
دوستوں کو بھیجیں
News ID : 185611
Published : 11/2/2017 17:38

ٹرمپ کی دھمکیاں ہمیں مرعوب نہیں کرسکتیں:ولایتی

ایران کے سینیئر سیاستداں اور اسٹریٹیجک ریسرچ سینٹر کے سربراہ نے کہا ہے کہ امریکی صدر کی دھمکیوں سے ایران کی دفاعی ترقی کا عمل ہرگز متاثر نہیں ہو گا۔

ولایت پورٹل:
فرانسیسی اخبار اور ٹیلی ویژن کو انٹرویو دیتے ہوئے ایران کے اسٹریٹیجک ریسرچ سینٹر کے سربراہ ڈاکٹر علی اکبر ولایتی نے کہا کہ تہران، امریکی دھمکیوں اور پابندیوں کو کوئی اہمیت نہیں دیتا۔
انہوں نے کہا کہ ڈونلڈ ٹرمپ، ایران کے خلاف اسی راستے پر چل رہے کہ جس پر امریکہ کی پچھلی حکومتیں چلتی رہی ہیں۔
ڈاکٹر علی اکبر ولایتی نے کہا کہ ایران کے عوام، عظیم تہذیبی اور تاریخی ورثے کے مالک ہیں اور ہر قسم کے دباؤ کا ڈٹ کر مقابلہ کریں گے۔
انہوں نے طنزیہ لہجے میں کہا کہ لگتا ہے کہ امریکی کانگریس اور سینیٹ کو ایران مخالف پابندیاں وضع کرنے کے علاوہ کوئی کام ہی نہیں آتا۔
انہوں نے کہا کہ میں واضح کر دینا چاہتا ہوں کہ امریکہ کے مخاصمانہ اقدامات کا ایران کے عوام پر کوئی اثر پڑنے والا نہیں ہے۔
فرانسیسی ٹیلی ویژن کے ایک سوال کے جواب میں ڈاکٹر علی اکبر ولایتی نے کہا کہ ایران کا میزائل پروگرام مکمل طور سے دفاعی نوعیت کا ہے اور ہمارے میزائل تجربات بھی معمول کی دفاعی سرگرمیوں کا حصہ ہیں۔
انہوں نے کہا کہ امریکی صدر کی دھمکیوں میں آکر ایران، اپنی دفاعی ترقی کا عمل ہرگز نہیں روکے گا۔
سحر



آپکی رائے



میرا تبصرہ ظاہر نہ کریں
تصویر امنیتی :
Sunday - 2018 June 24