Sunday - 2018 Oct. 21
Languages
دوستوں کو بھیجیں
News ID : 187300
Published : 17/5/2017 16:38

ظہور،دلوں پرحکومت کرنےکا زمانہ

حضرت مہدی علیہ السلام کے ظہور کے وقت بچے آرزوکریں گے کہ اے کاش وہ بڑے ہوتے اور بڑی عمر کے افراد چھوٹے ہونےکی آرزوکریں گے،شاید بچپنے کی آرزو کی وجہ یہ ہو کہ وہ امام زمانہ علیہ السلام کی حکومت میں زیادہ سے زیادہ رہنے کو پسند کریں گے۔

ولایت پورٹل:آیت اللہ نجم الدین مروجی طبسی نے اپنی کتاب(نشانہ ھایی از دولت موعود) میں لکھا ہےکہ جو حکومت ایک مختصرسی مدت میں دشواریوں اورمشکلات پرغلبہ پالے اور بدنظمیوں کا خاتمہ کردے اوردلوں سے مایوسی ختم کرکے ان میں امید کا بیج بودے ایسی حکومت کو لوگوں کی حمایت حاصل ہوگی۔
جو نظام جنگوں کی آگ کو بجھائے اورمعاشرے میں امن وسکون قائم کرے یہاں تک کہ حیوانات بھی اس سے استفادہ کریں تو اس طرح کی حکومت دلوں پرحکومت ہوگی اور لوگ ایسی حکومت میں زندگی بسرکرنے کی آرزو کریں گے۔
رسول اکرم صلی اللہ علیہ وآلہ وسلم فرماتے ہیں: میں تمہیں قریش کے ایک مرد، مہدی کی بشارت دیتا ہوں کہ آسمان و زمین کےرہنے والے اس کی حکومت پرراضی ہوں گے۔(۱)
اسی طرح آنحضرت صلی اللہ علیہ وآلہ وسلم فرماتے ہیں:میری امت سے ایک مرد قیام کرے گا کہ آسمان و زمین کے رہنے والے اس سے محبت کریں گے۔(۲)
صباح کہتے ہیں:حضرت مہدی علیہ السلام کے ظہور کے وقت بچے آرزوکریں گے کہ اے کاش وہ بڑے ہوتے اور بڑی عمر کے افراد چھوٹے ہونےکی آرزوکریں گے۔(۳) شاید بچپنے کی آرزو کی وجہ یہ ہو کہ وہ امام زمانہ علیہ السلام کی حکومت میں زیادہ سے زیادہ رہنے کو پسند کریں گے اور بچوں کو بڑے ہونے کی آرزو شاید اس لئے ہوگی تاکہ وہ مکلّف ہوں تاکہ حضرت ولی عصرعلیہ السلام کی الہی حکومت کے پروگراموں کے اجرا  میں اپنا کردارادا کرسکیں تاکہ اخروی اجر و ثواب حاصل کرسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حوالہ جات:
۱۔ینابیع المودة، ص 41 - اثبات الهدی، ج3، ص 524 ۔
۲۔احقاق الحق، ج 19، ص 663 -  الشیعه و الرجعة، ج1، ص 216۔
۳۔الحاوی للفتاوی، ج2، ص 78 - ابن طاووس، ملاحم، ص70 ۔
شبستان


آپکی رائے



میرا تبصرہ ظاہر نہ کریں
تصویر امنیتی :
Sunday - 2018 Oct. 21