Wed - 2018 Dec 19
Languages
دوستوں کو بھیجیں
News ID : 189580
Published : 14/9/2017 12:49

ایران کیطرف سے روہنگیا مسلمانوں کے لئے مہاجر کیمپ اورصحرائی ہسپتال بنانے کا اعلان

بہرام قاسمی نے کہا کہ ایران کے میانمار کے ساتھ سفارتی تعلقات نہیں لہذا تھائی لینڈ میں ایران کے سفیر میانمار کے امور کے نگراں ہیں،انھوں نے کہا کہ میانمار کو مسلمانوں پر ہونے والے مظالم کا تاوان ادا کرنا پڑےگا لہذا اسے مسلمانوں کے خلاف بربریت کو فوری طور پر بند کردینا چاہیے۔

ولایت پورٹل:رپورٹ کے مطابق اسلامی جمہوریہ ایران کی وزارت خارجہ کے ترجمان بہرام قاسمی نے کہا کہ ایران نے اب تک 100 ٹن سے زائد کی امداد میانمار کے مسلمانوں کے لئے ارسال کی ہے جس میں غذائی اور طبی سامان موجود ہے جبکہ ایران میانمار کے مسلمانوں کے لئے بنگلہ دیش میں ایک مہاجر کیمپ اور صحرائی ہسپتال بھی بنائے گا۔
ایرانی وزارت خارجہ کے ترجمان نے کہا کہ ایران روہنگیا مسلمانوں پر ہونے والےمظالم کی روک تھام کے لئے اپنے تمام وسائل بروی کار لارہا ہے اور ایرانی وزیر خارجہ آئندہ ہفتہ اقوام متحدہ کی جنرل اسمبلی کے اجلاس کے ضمن ميں دیگر اسلامی اور غیر اسلامی ممالک کے وزراء خارجہ کے ساتھ روہنگیا مسلمانوں کے بارے میں فعال سفارتی اقدام عمل ميں لائیں گے۔
بہرام قاسمی نے کہا کہ ایران اپنی تمام توانائیوں کے ساتھ میانمار کے مسلمانوں کے ساتھ ہے اور اس سلسلہ میں اپنی اسلامی، انسانی اور اخلاقی ذمہ داریوں کو احسن طریقہ سے انجام دے رہا ہے اور ایران اس سلسلہ میں بنگلہ دیشی حکام کے ساتھ رابطہ میں ہے۔
انھوں نے کہا کہ ایران کے میانمار کے ساتھ سفارتی تعلقات نہیں لہذا تھائی لینڈ میں ایران کے سفیر میانمار کے امور کے نگراں ہیں۔ انھوں نے کہا کہ میانمار کو مسلمانوں پر ہونے والے مظالم کا تاوان ادا کرنا پڑےگا لہذا اسے مسلمانوں کے خلاف بربریت کو فوری طور پر بند کردینا چاہیے۔




آپکی رائے



میرا تبصرہ ظاہر نہ کریں
تصویر امنیتی :
Wed - 2018 Dec 19