Tuesday - 2018 Oct. 23
Languages
دوستوں کو بھیجیں
News ID : 192075
Published : 15/2/2018 5:58

امریکہ کے ہاتھوں پاکستان کو عالمی واچ لسٹ میں شامل کرنے کا امکان

امریکہ پاکستان کو عالمی دہشت گردوں سے متعلق مالیاتی ’" واچ لسٹ " میں شامل کرسکتا ہے جس کی نگرانی منی لانڈرنگ پر نظر رکھنےوالی تنظیم کرے گی۔


ولایت پورٹل:ایسوسی ایٹڈ پریس کی رپورٹ لئ مطابق امریکہ کی جانب سے چند ہفتوں قبل پیش کی جانے والی تحریک کے مطابق امریکہ پاکستان کو عالمی دہشت گردوں سے متعلق مالیاتی ’" واچ لسٹ " میں شامل کرسکتا ہے جس کی نگرانی منی لانڈرنگ پر نظر رکھنے والا گروپ کرے گا۔ وائس آف امریکہ کے مطابق پاکستان گزشتہ چند ماہ سے ان ممالک کی فہرست میں شامل ہونے سے بچنے کی کوشش کررہا ہے کہ جو فائنانشل ایکشن ٹاسک فورس (ایف اے ٹی ایف) کی رو سے مالیاتی ضابطوں کے عمل درآمد پر پورے نہیں اترتے اور جن پر دہشت گردوں کی مالی معاونت کا قوی شبہ کیا جارہا ہے۔ خدشہ ہے کہ اس فہرست میں شامل ہونے کے باعث پاکستانی معیشت کو شدید نقصان پہنچ سکتا ہے۔ پاکستان کے دہشت گردوں سے روابط پر امریکہ پاکستان کو دھمکی دیتا رہا ہے کہ وہ پاکستان کے ساتھ سختی برتے گا۔ گزشتہ ماہ ٹرمپ انتظامیہ نے پاکستان کی تقریباً 2 ارب ڈالرز کی امداد بند کردی تھی۔ ادھر پاکستان  نے افغانستان اورہندوستان میں عسکریت پسندوں کے ساتھ روابط اور ان کی مدد کرنے کی تردید کردی ہے۔ اگلے ہفتے پیرس میں منعقد ہونے والی ایف اے ٹی ایف کی میٹنگ میں  پاکستان کے خلاف یہ قرارداد منظور ہوسکتی ہے جس میں پاکستان کو واچ لسٹ میں شامل کیے جانے کا امکان ہے۔
مہر





آپکی رائے



میرا تبصرہ ظاہر نہ کریں
تصویر امنیتی :
Tuesday - 2018 Oct. 23