Monday - 2018 Dec 17
Languages
دوستوں کو بھیجیں
News ID : 195696
Published : 10/10/2018 9:10

میانمار حکومت روہنگیا مسلمانوں کی نسل کشی کے سلسلہ میں تحقیقات کرانے میں سنجیدہ نہیں:اقوام متحدہ کی سفیر

اقوام متحدہ کی سفیر برائے انسانی حقوق ینگہی لی نے اقوام متحدہ کو روہنگیا مسلمانوں کی نسل کشی اور جنگی جرائم کے مرتکب میانمار کی عسکری قیادت کو عالمی عدالت میں پیش کرنے کا مطالبہ کیا ہے۔

ولایت پورٹل:فرانسیسی خبررساں ادارے اے ایف پی کے مطابق اقوام متحدہ کی سفیر برائے انسانی حقوق ینگہی لی نے کہا  کہ  ریاست رخائن میں میانمار حکومت نے روہنگیا مسلمانوں پر بدترین ظالم کیا جس کے نتیجے میں 7 لاکھ 20 ہزار افراد کو پڑوسی ملک بنگلہ دیش ہجرت کرنا پڑی تھی،واضح رہے کہ میانمار حکومت نے اقوام متحدہ کے فیکٹ فائنڈنگ مشن کو جانبدار قرار دیتے ہوئے ان کے الزامات کو مسترد کیا ہے،میانمار حکومت نے دعویٰ کیا ہے کہ حکومتی سطح پر تشکیل دی گئی کمیٹی جرائم کی تحقیقات کررہی ہے،خیال رہے کہ گزشتہ برس دسمبر میں میانمار حکومت نے سفیر برائے انسانی حقوق ینگہی لی کو ملک میں داخلے سے روک دیا تھا،ینگہی لی نے کہا کہ میانمار حکومت نے جرائم سے متعلق غیر جانبدار تحقیقات کے لیے محدود آمادگی ظاہر کی اور انتہائی کم اور غیر واضح اقدامات اٹھائے ہیں،ینگہی لی نے ٹوئٹر اکاؤنٹ پر شائع رپورٹ میں کہا کہ میانمار حکومت قابل اعتماد، فوری، مکمل، آزاد اورغیر جانبدار تحقیقات اور پراسیکیوشن کرانے میں سنجیدہ ہے اور نہ ہی اس قابل ہے،انہوں نے کہا یہ عالمی عدالت پر منحصر ہے کہ وہ انصاف فراہم کرے،ینگہی لی نے خبردار کیا کہ اگر انصاف کی فراہمی میں مزید تاخیر برتی گئی تو مزید تشدد پر مشتمل واقعات رونما ہوں گے،انہوں نے اقوام متحدہ کو تجویز دی کہ میانمار کی صورتحال کو عالمی کرمنل کورٹ میں فوری بھیجا جائے،دوسری جانب عالمی عدالت برائے انصاف نے کہا ہے کہ تحقیقات کا عمل بنگلہ دیش میں روہنگیا پناہ گزینوں سے شروع ہو گا کیونکہ میانمار عالمی عدالت کے دائرے میں نہیں آتا۔
تسنیم



آپکی رائے



میرا تبصرہ ظاہر نہ کریں
تصویر امنیتی :
Monday - 2018 Dec 17