Thursday - 2018 Dec 13
Languages
دوستوں کو بھیجیں
News ID : 196742
Published : 2/12/2018 5:24

ہندوستان میں ہزاروں کسانوں کا حکومت کے خلاف مظاہرہ

ہندوستان کے دارالحکومت نئی دہلی میں ہزاروں کسانوں نے وزیر اعظم نریندر مودی کی کسان دشمن پالیسیوں کے خلاف مظاہرہ اور پارلیمنٹ کی طرف احتجاجی مارچ کیا۔

ولایت پورٹل:ہندوستانی ذرائع ابلاغ کی رپورٹ کے مطابق ہندوستان کے دارالحکومت نئی دہلی میں ہزاروں کسانوں نے وزیر اعظم نریندر مودی کی کسان دشمن پالیسیوں کے خلاف مظاہرہ اور پارلیمنٹ کی طرف احتجاجی مارچ کیا،اطلاعات کے مطابق ملک بھر سے کسانوں کا نئی دہلی  آمد کا سلسلہ جمعرات کے روز سے جاری تھا، ہزاروں کسانوں کے جمع ہونے پر احتجاج نے طویل مارچ کی شکل اختیار کرلی اور کسان پیدل چلتے ہوئے پارلیمنٹ پہنچے، مظاہرین نے وزیراعظم مودی کے خلاف شدید نعرے بازی کرتے ہوئے مستعفی ہونے کا مطالبہ کیا،مظاہرین نے کسان دشمن پالیسی کے خلاف بینرز اُٹھائے ہوئے تھے جس میں کسانوں کو کم قیمت پر بیجوں کی فراہمی، فصلوں کے منافع بخش نرخ، خشک سالی الاؤنس اور قرضوں کی قسطوں میں کمی کے مطالبے درج تھے، رواں برس کسانوں کا یہ ملک گیر چوتھا بڑا مظاہرہ تھا،کسانوں کے مظاہرے سے پارلیمنٹ میں اپوزیشن لیڈر اور کانگریس کے چیئرمین راہول گاندھی نے خطاب کرتے ہوئے کسان رہنماؤں کے زراعت سے جڑےمسائل کے حل کے لیے اسمبلی کا خصوصی اجلاس بلانے کے مطالبے کی حمایت کی اور کسان دشمن پالیسی پر مودی حکومت کی سخت گرفت کی یقین دہانی کرائی۔
مہر




آپکی رائے



میرا تبصرہ ظاہر نہ کریں
تصویر امنیتی :
Thursday - 2018 Dec 13