دوشنبه - 2019 مارس 25
ہندستان میں نمائندہ ولی فقیہ کا دفتر
Languages
Delicious facebook RSS ارسال به دوستان نسخه چاپی  ذخیره خروجی XML خروجی متنی خروجی PDF
کد خبر : 71895
تاریخ انتشار : 25/3/2015 20:33
تعداد بازدید : 29

آسٹریلیا: داعش میں شمولیت کی کوشش پر گرفتاریاں

آسٹریلیا نے ممکنہ طور پر دہشت گرد گروہوں میں شامل ہونے والے اپنے دو سو شہریوں کو مشرق وسطی جانے سے روک دیا ہے۔
موصولہ رپورٹ کے مطابق آسٹریلیا کی پولیس کے انسداد دہشت گردی شعبے نے تین لڑکوں سمیت دو سو مشکوک افراد سے مشرق وسطی کا سفر کرنے سے قبل آسٹریلیا کے ہوائی اڈوں پر پوچھ گچھ کی اور انھیں عراق اور شام کا سفر کرنے سے روک دیا۔ آسٹریلیا کے حکام نے اس سے قبل اعلان کیا تھا کہ سولہ اور سترہ سالہ دو بھائیوں کو آٹھ مارچ کو اپنے والدین کی اجازت کے بغیر ترکی جانے کے لیے ہوائی جہاز پر سوار ہونے سے قبل سڈنی ایئرپورٹ پر گرفتار کر لیا گیا۔ آسٹریلیا کا انسداد دہشت گردی یونٹ گزشتہ سال جولائی کے مہینے سے آسٹریلیا کے آٹھ ہوائی اڈوں پر تعینات ہے اور اس نے عراق اور شام کا سفر کرنے اور ممکنہ طور پر دہشت گرد گروہوں میں شامل ہونے کے شبہے میں دو سو افراد کو سفر کرنے سے روک دیا ہے۔ آسٹریلیا کے امیگریشن کے وزیر نے بھی آسٹریلوی نوجوانوں کی داعش میں شمولیت کو ملک کے لیے ایک بڑا مسئلہ قرار دیا اور کہا ہے کہ "موت کا فرقہ" انٹرنیٹ کے ذریعے آسٹریلوی نوجوانوں کے ذہنوں میں داخل ہو کر ان کی برین واشنگ کر رہا ہے۔ آسٹریلوی اخبار نے حال ہی میں وائٹ ہاؤس کی پالیسیوں پر تنقید کرتے ہوئے امریکی حکمرانوں کی غلط پالیسی کا تازہ ترین نمونہ دہشت گرد گروہ داعش کو قرار دیا کہ جو دہشت گردانہ کارروائیوں کے لیے نوجوانوں کو بھرتی کر رہا ہے۔


نظر شما



نمایش غیر عمومی
تصویر امنیتی :