Wed - 2018 Nov 14
Languages
دوستوں کو بھیجیں
News ID : 73821
Published : 28/4/2015 19:31

تارکین وطن کو روکنا تیونس کی ذمہ داری نہیں

تیونس کے صدر نے کہا ہے کہ غیر قانونی تارکین وطن کو یورپ جانے سے روکنا اس ملک کے فرائض میں شامل نہیں ہے- تیونس کے صدر الباجی قائد السبسی نے پیر کی رات جرمنی کے صدر یواکیم گوک کے ساتھ ایک مشترکہ پریس کانفرنس میں کہا ہے کہ تیونس، غیر قانونی تارکین وطن کو یورپ کے ساحلوں کی جانب جانے سے روکنے کےلئے یورپ کےساتھ تعاون کرنے کے لئے تیار ہے لیکن اس کے پاس اس کام کے لئے ضروری وسائل موجود نہیں ہیں- الباجی قائد السبسی نے مزید کہا کہ یورپ والوں کو اس بات کو سمجھنا چاہئے کہ اس مسئلے کا تعلق صرف سلامتی کے ساتھ نہیں ہے بلکہ اس کا تعلق، اجتماعی پالیسی اور ترقی کےلئے تارکین وطن کو بھیجنے والے ممالک کے ساتھ تعاون سے بھی ہے- ڈکٹیٹر قذافی کی حکومت کی سرنگونی کے بعد لیبیا میں پیدا ہونے والی بدامنی کی وجہ سے افریقہ اور مشرق وسطی سے بحیرہ روم کے راستے یورپ جانے والے تارکین وطن، لیبیا کا رخ کرتے ہیں- واضح رہے کہ جرمن صدر یواکیم گوک ایک وفد کے ہمراہ پیر کے دن تین روزہ دورے پر تیونس پہنچے ہیں-


آپکی رائے



میرا تبصرہ ظاہر نہ کریں
تصویر امنیتی :
Wed - 2018 Nov 14