Sunday - 2018 Sep 23
Languages
دوستوں کو بھیجیں
News ID : 77489
Published : 24/6/2015 20:11

عالمی فوجداری عدالت، صیہونی حکومت کے خلاف پہلا مقدمہ

فلسطین کی سپریم لیگل ایڈ کمیٹی نے ہیگ کی بین الاقوامی عدالت میں صیہونی حکومت کے خلاف پہلا مقدمہ درج کرانے کا اعلان کیا ہے۔ فلسطینی کی سپریم لیگل ایڈ کمیٹی کے رکن مصطفی البرغوثی نے کہا ہے کہ یہ کیس جمعرات کے دن ہیگ بین الاقوامی عدالت کے اٹارنی جنرل فاتو بن سودا کے حوالے کردیا جائے گا۔ مصطفی البرغوثی نے کہا کہ اس مقدمے میں یہودی کالونیوں کی تعمیر، سن دو ہزار چودہ میں غزہ پر جارحیت اور صیہونی جیلوں میں قید فلسطینیوں کے سلسلے میں دستاویزات پیش کی گئی ہیں۔ یہ دستاویزات فلسطینی قیادت، سماجی اداروں اور بین الاقوامی تنظیموں کی جانب سے فراہم کی گئی ہیں۔ رپورٹوں کے مطابق فلسطین کے وزیر خارجہ ریاض المالکی، جمعرات کے دن یہ کیس ہیگ میں عالمی فوجداری عدالت کے حوالے کریں گے۔ یاد رہے فلسطین نے اپریل دو ہزار پندرہ میں بین الاقوامی فوجداری عدالت کی رکنیت حاصل کی تھی۔ اس مقدمے کو فلسطین کی جانب سے بین الاقوامی عدالت میں صیہونی حکومت کی جارحیت کے خلاف پہلا قدم قرار دیا گیا ہے۔


آپکی رائے



میرا تبصرہ ظاہر نہ کریں
تصویر امنیتی :
Sunday - 2018 Sep 23