Saturday - 2018 july 21
Languages
دوستوں کو بھیجیں
News ID : 77567
Published : 27/6/2015 17:58

داعش کے مقابلے کا بہانہ، نیٹو کی عراق واپسی

داعش دہشت گرد گروہ کے مقابلے کے بہانے نیٹو اتحاد عراق واپسی کا ارادہ رکھتا ہے-
برطانیہ کے اخبار ڈیلی ٹیلی گراف کے مطابق نیٹو اتحاد عراق سے نکلنے کے بعد داعش دہشت گرد گروہ کے مقابلے کی غرض سے عراقی فوجیوں کو تربیت دینے کے لئے ایک بار پھر عراق کا رخ کرنے کا ارادہ رکھتا ہے- نیٹو اتحاد نے چار سال پہلے عراق سے انخلا کیا تھا، اور اب وہ، داعش دہشت گرد گروہ کے مقابلے میں مدد فراہم کرنے کے بہانے عراق واپسی کا ارادہ رکھتا ہے- نیٹو کے منصوبے کے مطابق، کہ جس پر آئندہ ماہ عمل درآمد ہوگا، اعلی کمانڈر عراق کی قومی دفاعی اسٹریٹیجی کو وسعت دیں گے اور میدان جنگ میں فوجی یونٹوں کی قیادت کریں گے- نیٹو میں امریکی نمائندے نے کہا ہے کہ خصوصی فورس میں شریک باسٹھ ممالک یا تو خود نیٹو کے رکن ہیں یا پھر نیٹو کے حامی شمار ہوتے ہیں- قابل ذکر ہے کہ عراق میں داعش دہشت گرد گروہ کے مقابلے میں نیٹو کی شرکت اس گروہ کے بہانے عراق میں مغربی ممالک کی کارروائی میں شدت آنے کی غماز ہے- یہ ایسی حالت میں ہے کہ عراق میں داعش دہشت گرد گروہ کے خلاف قائم کئے جانے والے اتحاد کی کارروائیوں کا اب تک کوئی خاطر خواہ کوئی نتیجہ برآمد نہیں ہوا ہے-


آپکی رائے



میرا تبصرہ ظاہر نہ کریں
تصویر امنیتی :
Saturday - 2018 july 21