Friday - 2018 Dec 14
Languages
دوستوں کو بھیجیں
News ID : 77611
Published : 28/6/2015 18:57

شام: کوبانی دہشت گردوں کے قبضے سے آزاد

شام کے کرد شہریوں نے شہر کوبانی سے داعش دہشت گردوں کو نکال باہر کردیا- اسکائی نیوز کے مطابق عین العرب یا کوبانی شہر میں دراندازی کرکے شہر میں داخل ہونے والے داعش دہشت گرد عناصر کے ساتھ کرد مجاہد جوانوں نے تین روز تک سخت لڑائی کے بعد انہیں اپنے شہر سے باہر نکلنے پر مجبور کر دیا- داعش دہشت گرد گروہ نے جمعرات کو شہر کوبانی میں داخل ہونے کے بعد ڈیڑھ سو کے قریب لوگوں کا قتل عام کیا- شہر کوبانی میں ہونے والی لڑائی میں متعدد دہشت گرد بھی ہلاک اور زخمی ہوئے- اسی طرح جنوب مغربی کوبانی میں کردوں نے داعش کے اس مرکز کو تباہ کردیا جو اسپتال کے نام پر دہشت گردوں کا اڈہ بنا ہوا تھا- واضح رہے کہ داعش دہشت گرد گروہ نے گذشتہ سال ستمبر کے مہینے میں کوبانی کے اطراف میں واقع تین سو سے زائد دیہاتوں پر قبضہ کرلیا تھا اور مختصر مدت میں اس نے کوبانی شہر کے آدھے سے زیادہ حصے پر قبضہ کرلیا تھا لیکن چار مہینوں تک کرد جوانوں کے ساتھ شدید لڑائی کے بعد آخر کار داعش دہشت گرد عناصر رواں سال کی چھبیس جنوری کو کوبانی شہر سے فرار ہونے پر مجبور ہوئے اور یہ شہر آزاد ہوا-


آپکی رائے



میرا تبصرہ ظاہر نہ کریں
تصویر امنیتی :
Friday - 2018 Dec 14