Saturday - 2018 Dec 15
Languages
دوستوں کو بھیجیں
News ID : 84106
Published : 26/9/2015 20:41

ایران کو سانحہ منی کی تحقیقات میں شامل کیا جائے

اسلام جمہوریہ ایران نے سانحہ منی کی تحقیقاتی کمیٹی میں شامل کئے جانے کا مطالبہ کیا ہے۔ ایران کے نائب صدر اسحاق جہانگیری نے سانحہ منی کے بارے میں کابینہ کے ہنگامی اجلاس سے خطاب کرتے ہوئے کہا کہ سعودی حکام کو اس سانحہ پر عالم اسلام کے سامنے جواب دہ ہونا پڑے گا۔ 
انہوں نے کہا کہ سانحہ منی میں سعودی حکام کی بدانتظامی پوری طرح سے واضح ہے- ان کا کہنا تھا کہ حج کے انتظامات انتہائی اعلی انتظامی پیمانے پر ہونے چاہیں لیکن سعودی حکومت نے اس معاملے میں کوتاہی برتی ہے۔ 
انہوں نے یہ بات زور دیکر کہی کہ سانحہ منی کی تحقیقاتی کمیٹی میں ایران کو شامل کیا جانا چاہیے۔ ایران کے نائب صدر نے کہا کہ سعودی حکام کی ذمہ داری ہے کہ وہ ایسے حالات فراہم کریں جس میں حجاج کرام پورے اطمینان اور تحفظ کے ساتھ مکہ اور مدینہ کی زیارت کرسکیں۔ 
انہوں نے بین الاقوامی اسلامی اداروں اور تنظیموں پر بھی زور دیا کہ وہ سانحہ منی کے بارے میں اپنی قانونی ذمہ داریوں پر عمل اور اس کی تحقیقات میں فعال کردار ادا کریں۔


آپکی رائے



میرا تبصرہ ظاہر نہ کریں
تصویر امنیتی :
Saturday - 2018 Dec 15