Thursday - 2018 july 19
Languages
دوستوں کو بھیجیں
News ID : 84268
Published : 30/9/2015 7:7

سانحہ منی میں جاں بحق ہونے والے ایرانی حاجیوں کی تعداد دو سو چھبیس

سانحہ منی میں جاں بحق ہونے والے ایرانی حاجیوں کی تعداد بڑھ کر دو سو چھبیس ہوگئی ہے۔
تازہ ترین اطلاعات کے مطابق اسلامی جمہوریہ ایران کے حج و زیارت ادارے کے سربراہ سعید اوحدی نے پیر کی رات ایران کے قومی ٹی وی سے گفتگو کرتے ہوئے کہا کہ سانحہ منی میں رمی جمرات کے موقع پر جاں بحق ہونے والے ایرانی حجاج کرام کی تعداد بڑھ کر دو سو چھبیس ہوگئی ہے-
انہوں نے کہا کہ سانحہ منی میں لاپتہ ہونے والے ایرانی حاجیوں کی تعداد دو سو اڑتالیس جبکہ اس سانحے میں زخمی ہونے والے ایرانی حاجیوں کی تعداد ستائیس ہے۔
سعید اوحدی نے کہا کہ امید ہے کہ منگل کی شام کو ایرانی حاجیوں کی وطن واپسی کے آغاز کے موقع پر ہی جاں بحق ہونے والے ایرانی حجاج کرام کی میتیں بھی ایران منتقل ہوں گی۔ ادھر ایران کے حج و زیارت ادارے کے طبی مرکز کے سربراہ سید علی مرعشی نے کہا ہے کہ لاپتہ ہونے والے ایرانی حاجیوں کی تلاش کا کام بدستور جاری ہے۔
واضح رہے کہ گزشتہ جمعرات کو عیدالاضحی کے دن رمی جمرات کے موقع پر سعودی عرب کے حکام کی بدانتظامی اور نااہلی کی وجہ سے منی کا سانحہ رونما ہوا تھا جس میں سیکڑوں حجاج کرام جاں بحق ہوگئے تھے۔


آپکی رائے



میرا تبصرہ ظاہر نہ کریں
تصویر امنیتی :
Thursday - 2018 july 19