Wed - 2018 مئی 23
Languages
دوستوں کو بھیجیں
News ID : 86341
Published : 31/10/2015 17:30

امریکہ اسرائیل کے جنگی جرائم میں برابر کا شریک ہے، حماس

فلسطین کی اسلامی مزاحمتی تحریک حماس نے حکومت امریکہ کو اسرائیل کے جرائم میں برابر کا شریک قرار دیا ہے۔

حماس کے سینیئر رہنما مشیر المصری نے امریکی وزیر خارجہ کے بیان پر ردعمل ظاہر کرتے ہوئے کہا کہ ان کے بیان سے ثابت ہوتا ہے کہ امریکہ صیہونی حکومت کے جرائم میں برابر کا شریک ہے۔ انہوں نے کہا کہ امریکہ نے اسرائیل کے بارے میں اپنی جانبدارانہ پالیسیوں کو تاحال ترک نہیں کیا ہے اور وہ بدستور مقتولین کے مقابلے جلادوں کی حمایت کر رہا ہے۔

حماس کے ایک اور سینیئر رہنما سامی ابوزھری نے بھی امریکی وزیر خارجہ جان کیری کے بیان پر ردعمل ظاہر کرتے ہوئے کہا ہے کہ اسرائیل امریکہ کی شہ پر فلسطینیوں کے خلاف جنگی جرائم کا سلسلہ جاری رکھے ہوئے ہے۔

قابل ذکر ہے کہ امریکی وزیر خارجہ جان کیری نے اپنے بیان میں کہا تھا کہ واشنگٹن فلسطینیوں کی مزاحمتی تحریک حماس کے خلاف تادیبی کاروائیوں کا ارادہ رکھتا ہے۔امریکی وزیر خارجہ کے بیان کے بعد فلسطینیوں کے خلاف اسرائیل کے مجرمانہ اقدامات میں مزید شدت پید ا ہوگئی ہے۔

تازہ ترین اطلاعات کے مطابق اسرائیل فوجیوں نے جمعے کے روز فائرنگ کرکے مزید تین فلسطینیوں کو شہید کردیا ہے۔ انتفاضہ القدس کے آغاز سے اب تک صیہونی فوجیوں کے حملوں میں کم سے کم اکہتر فلسطینی شہری شہید اور سیکڑوں میں زخمی ہوچکے ہیں۔


آپکی رائے



میرا تبصرہ ظاہر نہ کریں
تصویر امنیتی :
Wed - 2018 مئی 23