Wed - 2018 Oct. 24
Languages
دوستوں کو بھیجیں
News ID : 87190
Published : 13/11/2015 18:53

اسرائیلی فوجی منشیات کی تجارت میں ملوث، کئی گرفتار

صیہونی حکومت کے فوجی افسران اور اہلکاروں کے منشیات کی تجارت میں ملوث ہونے کی اطلاعات ہیں۔ صیہونی حکومت کے ٹی وی کے حوالے سے ملنے والی رپورٹ کے مطابق غاصب صیہونی حکومت کے بائیس فوجی افسران اور اہلکاروں کو منشیات کی تجارت کے الزام میں گرفتار کیا گیا ہے۔ 
مذکورہ ٹی وی نے اپنی ویب سائٹ پر لکھا ہے کہ ان بائیس فوجیوں کو مہینوں کی تحقیقات کے بعد گرفتار کیا گیا ہے۔ صیہونی حکومت کے ٹی وی کے مطابق ان فوجی افسران اور فوجی اہلکاروں کے گھروں سے اسلحے اور منشیات کی ایک مقدار برآمد کی گئی ہے۔ 
اطلاعات کے مطابق یہ صیہونی فوجی افسران اور اہلکار فوجی اڈوں پر بھی منشیات بیچتے تھے اور انٹرنیٹ کے ذریعہ بھی خریداروں کے گھر منشیات ارسال کرتے تھے۔ بتایا جاتا ہے کہ صیہونی فوجیوں سے منشیات خریدنے والوں میں کم سن افراد بھی شامل ہیں۔ 
دریں اثنا اسرائیلی فوج میں منشیات کا استعمال کرنے والوں کی تعداد میں پچاس فی صد اضافہ ہونے کی اطلاعات ہیں۔ اسرائیل میں شائع ہونے والی ایک تازہ رپورٹ کے مطابق اسرائیلی فوجی اسرائیلی جارحیت کے مقابل فلسطینیوں کی سخت مزاحمت کے نتیجے میں پیدا ہونے والے نفسیاتی مسائل کو فراموش کرنے کے لئے منشیات کا استعمال کرتے ہیں۔


آپکی رائے



میرا تبصرہ ظاہر نہ کریں
تصویر امنیتی :
Wed - 2018 Oct. 24