دوشنبه - 2019 مارس 25
ہندستان میں نمائندہ ولی فقیہ کا دفتر
Languages
Delicious facebook RSS ارسال به دوستان نسخه چاپی  ذخیره خروجی XML خروجی متنی خروجی PDF
کد خبر : 87961
تاریخ انتشار : 23/11/2015 15:25
تعداد بازدید : 2

میانمار میں زمین کھسکنے کا واقعہ، 100 افراد ہلاک

میانمار میں زمین کھسکنے کے نتیجے میں سو افراد ہلاک ہوگئے ہیں۔
میڈیا رپورٹوں کے مطابق میانمار کے شمال میں ہفتے کی شام کو زمین کھسکنے کے نتیجے میں تقریبا" سو افراد ہلاک ہوگئے۔ یہ حادثہ کاچن KACHIN صوبے میں پنے کی ایک کان کے پاس رونما ہوا اور چشم دید گواہوں نے بتایا کہ کچھ لوگ اب بھی ملبے کے نیچے دبے ہوئے ہیں۔ ایک چشم دید گواہ نے بتایا کہ جائے وقوعہ سے لوگوں کے چلانے کی آوازیں آ رہی تھیں، کچھ لوگوں کے اعزہ اس حادثے میں مارے گئے جبکہ بعض خاندانوں کے تمام افراد ہلاک ہوگئے ہیں۔ ایک مقامی عہدیدار نے بتایا کہ ہفتے کو اناسی لاشیں ملبے سے نکالی گئیں اور یہ سلسلہ اتوار کو بھی جاری رہا۔ اس عہدیدار نے کہا کہ اب تک یہ واضح نہیں ہے کہ کتنے افراد حادثے کا شکار ہوئے ہیں۔ اطلاعات کے مطابق ریڈکراس، فوج، پولیس اور مقامی برادریوں کے افراد جائے وقوعہ پر امدادی کام انجام دے رہے ہیں لیکن موسم خراب ہونے کی وجہ سے اس دور دراز کے علاقے میں امدادی کام میں مشکل پیش آرہی ہے۔ ایک مقامی برادری کے رہنما لمائی گم جا نے بتایا کہ سو سے زیادہ افراد لاپتہ ہیں۔


نظر شما



نمایش غیر عمومی
تصویر امنیتی :